Showing posts with label جان ہے تو جہان ہے. Show all posts

Wednesday, July 5, 2023

موسیقی جسم کی روحانی غذا ہے

موسیقی آپکے دماغ کی بکھری ڈوروں کو دوبارہ ترتیب دینے کا کام کرتی ہے.

یوں تو موسیقی اتنی ہی پرانی ہے جتنے انسانی جذبات. موسیقی فطری انتخاب کا سوچا سمجھا نتیجہ تھی یا پھر ارتقاء کی ایک ضمنی پیداوار؟

چارلس ڈارون نے 1871 میں نظریہ پیش کیا تھا کہ موسیقی جنسی انتخاب، میٹنگ کالز یا پارٹنر کو متاثر متوجہ کرنے کے لیے مخصوص صوتی سگنلز کے طور پر پیدا ہوئی، ڈارون کے اس نظریہ کو دیگر جنسی انتخاب کے طریقوں سے متضاد ہونے کے سبب بہت زیادہ تنقید کا نشانہ بنایا گیا، لیکن 21ویں صدی میں بہت سے اسکالرز نے اس نظریے کی تائید کی ہے۔

دیگر نظریات میں: موسیقی مزدوروں کو منظم کرنے، طویل فاصلے تک کمیونیکشن کو بہتر بنانے، خدا کے ساتھ رابطے کے لیے، کمیونٹی میں ہم آہنگی پیدا کرنے یا شکاریوں کو خوفزدہ کرنے کے دفاع کے لیے پیدا ہوئی۔

موسیقی اکثر سماجی سرگرمیوں، مذہبی رسومات، تقریبات اور ثقافتی سرگرمیوں میں کلیدی کردار ادا کرتی ہے جب لوگ اپنے جذبات وغیرہ کے اظہار کیلیے موسیقی کا سہارا لیتے ہیں۔

ایک ریسرچ کیمطابق نوزائیدہ بچے فطری طور پر موسیقی کی دھڑکنوں کو محسوس کرتے ہیں، اور انکی یہ مہارت انکی بقیہ سیکھنے کی صلاحیت سے الگ ہے۔

کیا موسیقی محض ایستھیٹک ہے یا پھر موسیقی اپنے فوائد کے اعتبار سے سائنسی وجود بھی رکھتی ہے.

موسیقی کے فائدے:

سیکھنے، یادداشت اور ادراک کو بہتر بنائیں

تخلیقی صلاحیتوں کو فروغ دیں۔

اپنے دماغ کی صحت کی حفاظت کریں۔

ذہنی تناؤ کم ہونا

اپنے موڈ کو منظم کریں۔

دل کی صحت کو برقرار رکھیں

اضطراب اور افسردگی کو دور کریں۔

اپنے مدافعتی نظام کو فروغ دیں۔

حوصلہ افزائی اور کارکردگی میں اضافہ کریں۔

نیند کے معیار کو بہتر بنائیں

اپنے اعصابی نظام کو منظم کریں۔

موسیقی آپ کے دماغ کے تقریباً تمام مختلف علاقوں اور نیٹ ورکس کو متحرک کرتی ہے۔ یہ دماغ کے مختلف حصوں کے درمیان روابط کو بھی مضبوط کرتی ہے

آپ کی تخلیقی صلاحیتوں کو بڑھاتی ہے۔

جب آپ موسیقی سنتے ہیں تو تناؤ کے ہارمون کورٹیسول کی سطح گر جاتی ہے۔ اور ڈوپامائن ہارمون کو فروغ دیتی ہے، جو آپ کے موڈ کو بہتر کرنے میں مدد کرتا ہے۔

دماغ کا وہ حصہ جسے امیگڈالا کہتے ہیں موسیقی اس حصے میں پروسیس ہوتی ہے۔ یہ ہمارے مزاج اور جذبات کا مرکز بھی ہے۔ یہی وجہ ہے کہ پرجوش موسیقی سننے سے آپ کا موڈ بہتر ہوتا ہے۔ موسیقی باقاعدگی سے سننے سے دماغ کی کیمسٹری بھی منظم ہوتی ہے۔ جس سے ذہنی اور جذباتی توازن برقرار رہتا ہے۔

کلاسیکی موسیقی دماغ کو سکون، آپ کو آرام اور وجدان مہیا کرتی ہے۔ شاید آپ کو سن کرعجیب لگے کلاسیکی موسیقی جرائم میں کمی بھی لا سکتی ہے۔ لندن میں، سرکار نے ٹرین اسٹیشنوں پر کلاسیکی موسیقی سنانا شروع کی۔ 18 ماہ کے بعد، توڑ پھوڑ تشدد میں 37 فیصد، ڈکیتیوں میں 33 فیصد، اور ورکرز پر حملوں میں 25 فیصد کمی آئی۔

جیز موسیقی آپ کے دماغ میں الفا لہر کی کیفیت پیدا کرتی ہے۔ یہ لہریں اس وقت پیدا ہوتی ہیں جب آپ بیدار ہوتے ہیں اور پر سکون ہوتے ہیں، جیز میوزک آپ کو ریلیکس کرنے میں مدد کرتا ہے۔

ریپ میوزک ڈیپریشن میں کمی لانے میں مدد کرسکتا ہے

راک یا پاپ میوزک ورزش کے دوران برداشت اور جسمانی کارکردگی کو بڑھا سکتا ہے۔ گرچہ موسیقی کے اکثر فوائد سننے والوں کے ذوق پر منحصر ہوتے ہیں، تو اگر آپکو پاپ یا راک میوزک پسند ہے تو یہ یقینا کام کے دوران آپ کو موٹیویٹ کرسکتا ہے۔

ایک تحقیق کیمطابق میٹل موسیقی کے شائقین لوگوں میں خوداعتمادی کا شدید احساس ہوتا ہے۔ اس کا مطلب ہے کہ اگر آپ خود اعتمادی بڑھانا چاہتے ہیں تو میٹل میوزک کو سننا مددگار ثابت ہوسکتا ہے۔

موسیقی کے کچھ اور فوائد یہ ہیں:

یہ ہمارے دل کی دھڑکن اور بلڈ پریشر کو کم کرتی ہے۔

ہمارے پٹھے آرام کرتے ہیں، تناؤ کو دور کرتے ہیں۔

دھن ہمیں توجہ مرکوز کرنے میں مدد دیتی ہے۔

یہ ہمارے لیے حوصلہ افزائی کا کام کرتی ہے۔

یہ ہمارے جذبات کو منظم کرنے میں ہماری مدد کرتی ہے۔

موسیقی پلے لسٹ مرتب کرنے کے لیے تجاویز:

ایک دھیمے، مستحکم رفتار کے ساتھ آرام دہ گانوں کا انتخاب کریں۔

اگر آپ کو اپنے خیالات کو ہدایت دینے کی ضرورت ہو تو دھن والے گانے چنیں۔

دیگر شور یا خلفشار کو روکنے میں مدد کے لیے ہیڈ فون استعمال کریں، یا خلفشار کو محدود کرنے کے لیے پس منظر کی موسیقی کا انتخاب کریں۔

گانوں میں گیپ سے بچنے کے لیے وقت سے پہلے اپنی پلے لسٹ بنائیں

ایسے گانے منتخب کریں جو آپ کے مراقبہ کے لیے مخصوص وقت سے مماثل ہوں۔

آلات موسیقی، کلاسیکی موسیقی، یا فطرت کی آوازوں کے لیے مراقبہ کی پلے لسٹ تلاش کریں۔

چیزوں کو تبدیل کرنے کے لیے نئے گانوں کی تلاش کرتے رہیں۔

حوالہ جات

غمگین گانا سننا فائدہ مند ہے یا نقصان دہ؟ نئی تحقیق

موسیقی بڑھاپے میں دماغی صحت کو بہتر بنا سکتی ہے

References:

Music and Health: What the Science Says

Newborns’ Innate Beat Perception: Key to Early Musical Cognition

Saturday, February 13, 2021

Yoga in urdu

یوگا!!!

یوگا جسم کو تیاگ کر روح کے سکون کو پانے کا نام ہے، یوگا کی افادیت انسان نے قبل از تاریخ پا لی تھی. ہندوستان میں اس کے آثار ہڑپہ تہذیب میں ملتے ہیں یہی یوگا آگے چل کر ہندومت مذہب میں شامل ہوجاتا ہے لیکن دراصل آج یوگا کا کوئی مذہب نہیں رہا آج ہر رنگ نسل کا انسان اس کو اپنا رہا ہے کیونکہ یوگا تو سراسر سائنس ہے۔ قدیم سنسکرت زبان کیمطابق یوگا کے معنی بندھے رہنے کے ہیں

یعنی یوگا کرنے والا شخص خاص آسن میں آنکھں موندھے دماغی طور پر اپنے دیوتا سے بندھا ہوا ہو اس مسلسل ایک ہی آسن کو اپنائے رکھنے سے انسان کو ضبط کرنے اور اپنے آپ پر قابو پانے کی طاقت ملتی ہے، جس سے انسان میں خوداعتمادی بڑھتی ہے اور وہ اپنی پریشانیوں پر بھی پھر قابو ڈال سکتا ہے ۔

یوگا دراصل سچ کی تلاش کا اک رستہ ہے۔ جس میں انسان اپنے جسم کو آرام دے کر مادی خواہشات سے آزاد ہو کر اور دماغی طور پر اس دنیا سے ناتا توڑ کر اپنے خدا سے رشتہ جوڑتا ہے۔ یوگی جسم کو بھول کر روح کی تلاش میں نکلتا ہے۔ یوگا ہندوستان کی ثقافت بن چکا ہے اور ہندوستان اس پر فخر بھی کرتا ہے بھارت ہر سال 21 جون کو یوگا کا سالانہ دن عالمی طور پر مناتا ہے

نریندرمودی نے اپنے 27 دسمبر 2014 کے اقوام متحدہ سے خطاب میں 21 جون کو یوگا کا عالمی دن منانے کی تجویز پیش کی تھی۔ جسے اقوام متحدہ نے قبول کرتے ہوئے 21 جون کو یوگا کا عالمی دن قرار دیا تھا۔

ہندوستان کے باسی ازمنہ قدیم سے ہی روحانی و جسمانی مضبوطی کے لیے یوگا کرتے آئے ہیں. آج ماڈرن زمانہ میں تو ہم اور بھی طرح طرح کی نئی پیچیدگیوں کا شکار ہو چکے ہیں ٹیکنالوجی جوں جوں تیز تر ہوتی جارہی ہے انسان ڈیپریس ہوتا چلا جارہا ہے مشینوں کے بیچ کہیں انسان اپنے جذبات کو کھوتا جارہا ہے انسان اپنے ہزارہا سال کے ذہنی ارتقاء کو گزشتہ کچھ صدیوں کی تیز رفتار ترقی سے ہم آہنگ کرنے میں بدستور ناکام نظر آرہا ہے.

ہم ہمہ وقت معاشرتی، ماحولیاتی اور مالی عدم استحکام کی غیر یقینی صورتحال میں جی رہے ہیں۔ ایسے میں یوگا ذہنی روحانی اور جسمانی سکون کی سیکرٹ چابی ثابت ہوسکتی ہے.

یوگا کی بنیادی طور پر آٹھ پوزیشنیں ہیں۔

سب سے پہلے ہے یم، یعنی خود کو مہذب اور شائستہ بنانا،

2. نیم بنانا یا اصول بنانا، یعنی جو کام آپ کرنے جا رہے ہیں اس کے پہلے نیم طے کرلیں

3. تیسرا ہے آسن، جسم کی ایسی پوزیشن اختیار کرنا جو آپ کے جسم اور دماغ دونوں کو سکون دے،

4. پرانا یام، سانس لینے کا طریقہ جس سے جسم اور دماغ کو سکون اور تازہ ہوا میسر ہو۔ گوتم بدھ آسن لگائے آنکھیں موند کر مخصوص انداز میں سانس لیتے اور چھوڑتے جس سے ان کی سوچنے صلاحیت دوچند ہوتی اور تخیل کی گہرائی بڑھ جاتی۔

بقول گورونانک انسان اپنی سانس کی درست طریقے سے حفاظت کرکے خدا تک پہچھ سکتا ہے۔

5. اپنے حواس کو غذا پہنچانا، یعنی ان کو آرام دینا، ریسٹ دینا، کیونکہ حواس مستقل استعمال سے تھک جاتے ہیں،

6. فوکس کرنا، اپنی سوچ اپنے ذہن کو کسی نقطہ پر مرتکز کرنا، جیسا کہ مراقبہ، باطل خیالات کو جھٹک کر اپنے اصل خیال پر ٹارگٹ کرنا، اس سے آپ کو اپنے شریر پر اور اپنے دماغ پر کنٹرول حاصل ہوتا ہے،

7. دھیان، یہ دراصل مراقبہ کی اگلی سٹیج ہے، درست فوکس اور مکمل ارتکاز سے ہم دنیا سے آگے مراقبے کی دنیا میں اتر جاتے ہیں، ایسا کرنیوالے شخص کو محسوس ہوتا ہے جیسے کسی طاقت نے اس کو اپنی تحویل میں لے لیا ہو، ماہرین کیمطابق مراقبہ واقع ہوتا ہے،

8. سمادھی، یہ یوگا کا آخری انت ہے، یہ دراصل یوگا کی معراج ہے، انسان ٹائم اینڈ سپیس سے آزاد ہو جاتا ہے، وہ اپنے خدا کے بہت قریب ہوجاتا ہے، بدھ نے اسے ہی نروانا کہا ہے،

(تصایر بشکریہ بی بی سی)

گیس چھوڑنے میں مدد کے لیے سادہ یوگا آسن (پادنا)

حوالہ جات:

تانترا سے آرگیزم سکھانے والی کرسٹینا: ’تانترا سیکس سے بھی بڑی چیز ہے، سیکس محض اس کا ایک حصہ ہے‘

Tuesday, July 7, 2020

High Blood Pressure Treatment in Urdu

خون کی گردش انفیکشن سے لڑنے، جسم کے ہر حصے میں آکسیجن پہنچانے، دماغ کی بہتر صحت تک آپ کی مجموعی صحت میں کلیدی کردار ادا کرتی ہے۔

بلڈ پریشر کیا ہوتا ہے؟

ہمارا دل ایک چھوٹا مگر طاقت وَر پمپ ہے جو ایک منٹ میں جسم کی رگوں میں پانچ لیٹر خون پمپ کرتا ہے۔ دل جب سکڑتا ہے تو اس وقت یہ خون کو اپنے سکڑنے کے دباو سے زور سے رگوں میں دھکیلتا ہے اس کو انقباضی فشار خون یا سسٹولک پریشر Systolic blood pressureکہتے ہیں جس کو اوپری نمبرز سے ظاہر کیا جاتا ہے۔ اور جب دل نارمل حالت میں آتا ہے تو اسے انبساطی یا ڈائسٹولک پریشر Diastolic blood pressure کہتے ہیں اس کو نیچے والے نمبر سے ظاہر کرتے ہیں۔ اگر بلڈ پریشر کی ریڈنگ 140 / 80 ہو تو اس کا مطلب ہوگا کہ سسٹولک پریشر 140 اور ڈائسٹولک پریشر 80 ہے

ہائی بلڈ پریشر کا تعارف

ہائی بلڈ پریشر کو انسان کا خاموش قاتل بھی کہا جاتا ہے

ہر سال 17 مئی کو بلڈ پریشر کا عالمی دن منایا جاتا ہے

ایک سروے کے مطابق تقریبا 52 فیصد پاکستانی آبادی ہائی بلڈ پریشر کا شکار ہیں اور 42 فیصد لوگوں کو معلوم ہی نہیں کہ وہ ہائی بلڈ پریشر کے مرض میں مبتلا ہیں

دن بھر ہمارے مختلف کاموں کے دوران ہمارا بلڈ پریشر بھی تبدیل ہوتا رہتا ہے

جب بلڈ پریشر تیزی سے اوپر جاتا ہے اور ریڈنگ 180/120 سے زیادہ ہوجائے تو اسے ہائپر ٹینسیو بحران کہا جاتا ہے

ویسے تو بلڈ پریشر کسی بھی عمر میں بڑھ سکتا ہے مگر اس کا خطرہ 40 سال کے بعد تیزی سے بڑھنا شروع ہوجاتا ہے

ہائی بلڈ پریشر کی علامات

بیشتر لوگوں میں ہائپرٹینشن کی کوئی خاص علامات ظاہر نہیں ہوتیں، لہٰذا وہ اس مرض سے بے خبر رہ کر زندگی گزارتے رہتے ہیں۔ بہ ظاہر ہر لحاظ سے صحت مند اور فٹ دکھائی دینے والے افراد بھی ہائی بلڈ پریشر کا شکار ہوسکتے ہیں، مگر وہ اس بات سے لاعلم ہوتے ہیں۔ بہرحال شدید صورت میں ہائی بلڈ پریشر کی علامات ظاہر ہوتی ہیں۔ ان علامات میں ناک سے خون آنا، سردرد، بے خوابی، ذہنی پریشانی اور الجھن، اور سانس کے مسائل شامل ہیں

شدت کا سردرد، چکر آنا، زمین گھومتی ہوئی محسوس ہونا، مزاج میں چڑچڑاپن، بات بات پر غصہ آنا، بعض اوقات غصے کی شدت سے بلڈ پریشر بہت ہائی ہو جانے کے باعث دماغ کی شریانیں پھٹ جاتی ہیں، جس سے موت بھی واقع ہوسکتی ہے، بے ہوشی طاری ہو جاتی ہے یا غنودگی چھائی رہتی ہے، جسم میں درد اور کھنچاؤ سا بھی محسوس ہوتا ہے

ہائی بلڈ پریشر کی ممکنہ وجوہات

عمر میں اضافے کے ساتھ جسم کے مختلف حصوں میں خون پہنچانے والی رگوں کی لچک کم ہوجاتی ہے، بہ الفاظ دیگر یہ قدرے سخت ہوجاتی ہیں اور پھر ان میں سے خون کو گزارنے کے لیے زیادہ قوت درکار ہوتی ہے جس کے لیے دل کو زیادہ زور لگانا پڑتا ہے جو ہائی بلڈ پریشر کہلاتا ہے 10 فی صد معاملات میں ہائپرٹینشن کا کوئی نہ کوئی طبی سبب ضرور ہوتا ہے۔ اسے ثانوی ہائپرٹینشن کہا جاتا ہے۔ ہائپرٹینشن لاحق ہونے کی طبی وجوہات میں گردے کے امراض، گردوں کو خون کی رسد میں رکاوٹ، حد سے زیادہ شراب نوشی، اور کچھ ہارمون کے مسائل ہوتے ہیں جو گردوں کو متأثر کرتے ہیں۔ یعنی ہائپرٹینشن کا بلاواسطہ بالواسطہ طور پر گردوں سے اہم تعلق ہوتا ہے دیگر عوامل میں یہ موروثی بھی ہو سکتا ہے اس کے علاوہ مٹاپا سگریٹ نوشی نمک کی زیادتی ورزش کی کمی، شوگر یا گردوں کے مسائل کی وجہ سے بھی ہائی بلڈ پریشر ہو سکتا ہے

گیس، بدہضمی، کھانا کھانے کے بعد فوراً بیٹھ جانا یا لیٹ جانا، ہارمونل پرابلم، ذہنی دباؤ، موٹاپا، نمک کا زیادہ استعمال، گرم غذاؤں کا استعمال، کام میں زیادہ مشقت، گیم نہ کھیلنا، ورزش اور چہل قدمی سے گریز کرنا، قوت برداشت کا فقدان، رنج و غم میں مبتلا رہنا، مرغن غذاؤں کا زیادہ استعمال ،بازاری فروزن یا گھر میں فریز کیے ہوئے کھانوں کا زیادہ استعمال ہائی بلڈ پریشر کا باعث بنتا ہے,پریشانی اور مسلسل دباو اچانک بلڈ پریشر بڑھا دیتے ہیں

ہائی بلڈ پریشر کے نقصانات

اگر ہائی بلڈ پریشر کا مناسب علاج نہ کیا جائے تو زیادہ زور لگانے کی وجہ سے دل رفتہ رفتہ تھکنا شروع ہو جاتا ہے اور بالآخر دل کے دورے کا سبب بن سکتا ہے۔ دل کے دورے اور اسٹروک کے علاوہ دل کا فیل ہوجانا یعنی خون پمپ کرنے کی صلاحیت کا بہ تدریج کمزور پڑجانا، گردوں کا فیل ہوجانا، ضعف بصارت اور آنکھوں کے امراض سے سابقہ پڑسکتا ہے۔ پیٹ اور سینے سے گزرنے والی مرکزی شریان پھیل کر پھٹ سکتی ہے اور اس کے خطرناک نتائج برآمد ہوسکتے ہیں

ہائی بلڈ پریشر کا علاج

نارمل بلڈ پریشر 120/80 یا اس سے کم ہوتا ہے لیکن اگر یہ 140/90 یا زیادہ ہوتو آپ کو علاج کی ضرورت ہوتی ہے

روزنہ ایک یا دو کیلے کھائیں تو اس سے یہ مرض قابو میں رہتا ہے کیونکہ کیلا غذائی اجزاء اور پوٹیشیم سے بھرپور ہوتا ہے جو ہمارے جسم میں 10 فیصد سے زائد سوڈیم (نمکیات) کے اثر کو کم کرسکتا ہے اور گردوں کی حفاظت میں بھی کردار ادا کرتا ہے

جو کا دلیہ میگنیشیم سے بھرپور ہوتا ہے اور ایک طبی تحقیق کے مطابق جو کے دلیہ کا استعمال فشار خون کے شکار افراد کے بلڈ پریشر کو نمایاں حد تک کم کرنے میں مدد دیتا ہے

کالی مرچ سے خون کی شریانیں کھلتی ہیں جس سے خون کی روانی کو پورے جسم تک رسائی حاصل ہوتی ہے اور بلڈپریشر کی شرح قدرتی طور پر کم ہوتی ہے

پستے میں موجود اجزاء میگنیشم، پوٹاشیم اور فائبر وغیرہ بلڈ پریشر کو بہتر بنانے میں کردار ادا کرتے ہیں

مالٹے میں موجود پوٹاشیم بلڈ پریشر کو کنٹرول کرنے کے لیے اہم جز ہے

روزانہ پیاز کے استعمال سے بلڈ پریشر بہتر ہوتا ہے

دالیں، چنے، کالے چنے وغیرہ فائبر اور پوٹاشیم سے بھرپور ہوتے ہیں جو بلڈ پریشر کو بہتر بنانے میں مدد دیتے ہیں

شہد میں موجود کاربوہائیڈریٹ دل کی طرف سے خون کے پریشر کوکم کرتا ہے۔ دو ہفتوں تک رات کو سونے سے پہلے ایک گلاس نیم گرم دودھ میں دو چمچ شہد ملا کر پینے سے بلڈ پریشر جیسے بیماری سے بچا جا سکتا ہے

بلڈ پریشر والے مریضوں کو صرف مچھلی کا گوشت فائدہ مند ہے ،مچھلی پروٹین اور وٹامن ڈی کے حصول کا بہترین ذریعہ ثابت ہوتی ہے اور یہ دونوں بلڈپریشر کی شرح کم کرنے میں مددگار ثابت ہوتے ہیں

میتھی کے دانوں میں بڑی مقدار میں موجود پوٹیشیم بلڈ پریشر کو بڑھنے سے روکتا ہے

چقندر نائٹریٹ سے بھرپور ہوتے ہیں جو کہ جسم میں نائٹرک آکسائیڈ میں تبدیل ہو سکتے ہیں۔ نائٹرک آکسائیڈ خون کی نالیوں کو آرام اور پھیلانے میں مدد کرتا ہے، جس سے گردش بہتر ہوتی ہے۔

چقندر میگنیشم اور پوٹاشیم سے بھرپور سبزی ہے چقندر کا جوس پینے سے بلڈ پریشر کو مختصر اور طویل مدت میں کم کیا جاسکتا ہے۔

اسٹرابیری کی زیادہ مقدار سے ہائی بلڈ پریشر کے خطرہ میں 8 فیصد کمی واقع ہوئی ہے۔

لہسن شریانوں میں پلیٹلیٹس کو جمع ہونے سے روکنے کے ساتھ دل پر زیادہ خون کے پریشر سے بڑھنے والے اثرات سے روکتا ہے

کچے لہسن کی ایک پھانک روزانہ کھانے سے بہت جلد بلڈ پریشر میں کمی لائی جاسکتی ہے

لہسن میں سلفر مرکبات ہوتے ہیں، جن میں ایلیسن شامل ہوتا ہے - جو خون کی نالیوں کے پھیلاؤ کو فروغ دیتا ہے اور خون کے بہاؤ کو بڑھاتا ہے۔ پیاز flavonoid antioxidants کا ایک بہترین ذریعہ ہے، جو خون کے بہاؤ میں اضافہ ہونے پر آپ کی شریانوں اور رگوں کو چوڑا کرنے میں مدد کرکے دل کی صحت اور گردش کو فائدہ پہنچاتا ہے۔

ڈارک چاکلیٹ بلڈ پریشر کو کم کرتا ہے۔

لیموں شریانوں کو سخت ہونے سے بچاتا ہے بلکہ خون کی روانی کو بھی کم رکھتا ہے

ہفتے میں چار سے پانچ بار دہی کھانے سے ہائی بلڈ پریشر کے چانسز میں بیس فیصد کمی ہوتی ہے

8 ہفتوں تک دن میں تین کیوی کھانے سے سسٹولک اور ڈیاسٹولک بلڈ پریشر دونوں میں نمایاں کمی واقع ہوتی ہے

صبح ناشتے میں دلیہ بلڈ پریشر کو کم کرنے میں مدد دیتا ہے

تربوز میں سائٹرولن نامی امینو ایسڈ ہائی بلڈ پریشر کو سنبھالنے میں مددگار ثابت ہوتا ہے۔

زیتون کے تیل میں پولیفینولز شامل ہیں ، جو بلڈ پریشر کو کم کرنے میں مدد کرتا ہے۔

جئی میں بیٹا گلوکن نامی ایک قسم کا ریشہ ہوتا ہے ، جو خون میں کولیسٹرول کی سطح کو کم کرسکتا ہے۔ کچھ تحقیق کے مطابق ، بیٹا گلوکن بلڈ پریشر کو بھی کم کر سکتا ہے۔

انار خاص طور پر پولیفینول اینٹی آکسیڈنٹس اور نائٹریٹ میں زیادہ ہوتے ہیں، جو کہ طاقتور واسوڈیلیٹر ہیں۔ انار کو جوس، کچے پھل یا سپلیمنٹ کے طور پر استعمال کرنے سے خون کا بہاؤ بہتر ہو سکتا ہے۔

چار ہفتوں کے لئے دن میں ایک بار انار کا جوس پینے سے بلڈ پریشر کو قلیل مدت میں کم کرنے میں مدد ملتی ہے۔

سبز پتوں والی سبزیاں جیسے پالک اور کیلے نائٹریٹ کے بہترین ذرائع ہیں۔ یہ مرکبات خون کی نالیوں کو وسیع کرنے میں مدد کرتے ہیں، جس سے گردش بہتر ہوتی ہے۔

ہرے پتوں والی سبزیاں چوبیس گھنٹے تک بلڈپریشر کو نارمل رکھ سکتی ہیں

دار چینی اینٹی آکسیڈنٹس سے بھرپور ہوتی ہے، جو آکسیڈیٹیو تناؤ اور خون کی شریانوں کو پہنچنے والے نقصان سے بچانے میں مدد دیتی ہے۔ صحت مند خون کی وریدیں زیادہ سے زیادہ گردش کے لیے ضروری ہیں۔دار چینی قلیل مدت میں بلڈ پریشر کو کم کرنے میں مدد دیتی ہے۔

پیزے میں پنیر ، گوشت ، ٹماٹر کی چٹنی اور کرسٹ کے مکسچر سے سوڈیم کی کافی مقدار اکٹھی ہو جاتی ہے۔ خاص کر ٹھنڈا پیزا ہائی بلڈ پریشر والے لوگوں کے لئے بہت خطرناک ہے۔

نقصان دہ چیزیں

نمک سوڈیم بلڈ پریشر کو نمایاں طور پر بڑھا سکتا ہے۔

بڑے جانور کا گوشت خاص کر گائے کا گوشت زہر سے کم نہیں

شراب کی بڑی مقدار بلڈ پریشر میں ڈرامائی اضافے کا سبب بن سکتی ہے۔

کافی ، چائے ، کولا اور انرجی ڈرنکس میں موجود کیفین بلڈ پریشرکو تھوڑی دیر دو سے تین گھنٹوں تک بڑھا سکتا ہے۔

لو بلڈ پریشر

حوالہ جات

ہائی بلڈ پریشر کا شکار بنانے والی حیرت انگیز وجوہات

Wednesday, April 22, 2020

انسانوں میں افزائش نسل کے مسائل

انسانوں میں افزائش نسل اور اولاد کا حصول

Fertilisation in Human in Urdu

عورت اور مرد کے ملاپ سے انسانوں کی افزائش نسل کا عمل آگے بڑھتا ہے اس

ملاپ میں مرد اپنا مادہ عورت کے اندر داخل کرتا ہے جہاں یہ مادہ عورت کے بیضہ سے مل کر بچے کی پیدائش کے عمل کی شروعات کرتے ہیں

نارمل حالات میں شادی کے بعد ایک سے دو سال کے اندر بچہ پیدا ہوجاتا ہے لیکن اگر دو سال تک بچہ پیدا نہ ہو تو پھر اس جوڑے کو بچے کے حصول کیلیئے جلد از جلد اینڈوکائنالوجسٹ سے رجوع کرنا چاہیئے۔ کیونکہ اب جدید طریقہ علاج کی بدولت تقریبا" 70٪ جوڑے اولاد کی نعمت حاصل کر سکتے ہیں۔

درج ذیل میں اس سارے عمل کو سمجھنے کیلیئے کچھ بنادی معلومات دی جا رہی ہیں تو سب سے پہلے پڑھتے ہیں مردوں کے مسائل کے بارے میں:

مردوں کے جنسی مسائل اور انکے حل

Men Sexual Problems and their Solutions Urdu
ایک تحقیق کیمطابق بے اولادی کا اکثر سبب مردوں میں پائی جانیوالی ہارمونل بیماریاں اور مردوں کا طرز زندگی ہے مردوں میں ٹیسٹی سٹیرون ہارمون کی کمی بے اولادی کی ایک بڑی وجہ ہے 25-30 سال کی عمر سے، انسان کے ٹیسٹوسٹیرون کی سطح قدرتی طور پر کم ہونا شروع ہو جاتی ہے۔ اس ہارمون کی کمی پوری کرنے کے بارے میں ہم آگے پڑھیں گے،
مرد جنسی عمل کے دوران ایک مادہ خارج کرتے ہیں جس کو مادہ تولید مادہ منویہ اور انگریزی میں سیمین semen کہتے ہیں۔ بچہ جننے کے سارے عمل میں مرد کی طرف سے بنیادی کردار اسی مادہ کا ہوتا ہے
مادہ تولید کیا ہے؟
What is Semen in Urdu
مردوں میں اسپرم sperm بارہ تیرہ سال کی عمر سے بننا شروع ہوجاتے ہیں اور پچیس سال کی عمر تک یہ اپنے عروج پر ہوتے ہیں پھرپچپن سال کی عمر کے بعد ان میں بتدریج کمی آتی جاتی ہے
مردوں کے سپرم sperm خصیوں testes میں خوراک سے حاصل شدہ پروٹین سے بنتے ہیں اس لیے جن دنوں زیادہ مقدار میں سپرم ڈسچارج کررہے ہوں تو ان دنوں میں پروٹین والی غذائیں گوشت انڈے وغیرہ زیادہ کھائیں خصیوں کو گرمی سے بچایں کیونکہ خصیوں کے لیئ سپرم بنانے کے لیے بہترین ٹمپریچر 34 ڈگری سینٹی گریڈ ہوتا ہے زیادہ گرم پانی سے خصیوں کو نہ دھویں خصیوں کو ڈائریکٹ ہیٹ Heat سے بچایں خاص کر لیپ ٹاپ وغیرہ ٹانگوں پر رکھ کر استعمال نہ کریں اور زیادہ ٹائٹ انڈر وئیر وغیرہ بھی نہ پہنیں
مرد ایک سیکنڈ میں 1500 کے لگ بھگ جبکہ روزانہ لاکھوں سپرم پیدا کرتے ہیں مگر ان سپرم کو بڑا ہونے اور مکمل ہونے میں ایوریج 74 دن لگتے ہیں

یہ دورانیہ مختلف مردوں میں کم زیادہ ہو سکتا ہے سپرم بننے کا عمل خصیوں کے اندر شروع ہوتا ہے جہاں سپرم کی پچاس سے ساٹھ دن تک ابتدائی نشوونما ہوتی ہے پھر سپرم خصیوں سے ملحق نالی میں منتقل ہوجاتے ہیں جہاں دس سے پندرہ دنوں میں سپرم کی نشوونما بالکل مکمل ہوجاتی ہے اور وہ خارج ہونے کے لیے بالکل تیار ہو جاتے ہیں سپرم بننے کے بعد اس نالی epididymis duct میں سٹور ہوتے جاتے ہیں یہ نالی چھ میٹر تقریبا" بیس فٹ لمبی ہوتی ہے اس نالی میں کروڑوں سپرم سٹور ہوتے ہیں جن سے مرد ایک انزال میں محض دو سے پانچ کرورڑ سپرم ہی خارج کرتے ہیں جبکہ بقیہ سپرم مرد اگلے انزال کے لیے روک رکھتے ہیں لیکن اگر ان سپرم کو ایک ہفتے تک خارج نہ کیا جائے تو یہ مرنا شروع ہوجاتے ہیں اس لیے بہتر طریقہ یہی ہے کہ سپرم کو تین سے پانچ دن تک خارج کردیا جائے تاکہ پھر سے تازے نئے سپرم بنتے رہیں

جدید تحقیق کیمطابق روزانہ سپرم کے انزال سے گو سپرم کی تعداد کم ہوجاتی ہے مگر اس کے معیار میں بہت بہتری آجاتی ہے کیونکہ سپرم زیادہ دن تک خصیوں میں پڑے رہنے سے کمزور ہوجاتے ہیں اس لیے بہتر ہے ایک دن یا زیادہ سے زیادہ دو دن چھوڑ کر سپرم کو ڈسچارج ضرور کریں کیونکہ حرکت میں برکت ہے
Semen Analysis in Urdu
مادہ تولید کی کم از کم مقدار دو ملی لیٹرضرور ہونی چائیے
مادہ تولید مں سپرم کی تعداد Sperm Count
مادہ تولید میں سپرم کی تعداد کم از کم ڈیڑھ سے دو کروڑ ضرور ہونی چائیے جن میں سے حمل کے لیے محض ایک سپرم درکار ہوتا ہے ویسے تو مرد ایک اخراج میں تقریبا" ایک کروڑ سپرم خارج کرتا ہے مگر انڈے تک صرف کچھ طاقتور سپرم ہی پہنچ پاتے ہیں تاکہ صرف صحتمند اور مضبوط بچے ہی پیدا ہو سکیں
سپرم کی حرکت Sperm Motility or Movement
جب مرد کے عضو سے مادہ خارج ہوتا ہے تو اس میں موجود سپرم تیزی سے آگے کی طرف حرکت کرکے بچہ دانی میں پہنچتے ہیں مادہ میں موجود سپرمز میں سے تقریبا" پچاس پرسنٹ سپرمز میں آگے بڑھنے کی صلاحیت ہونی چائیے
سپرم کی حرکت کی سمت اور سپیڈ sperm activity grade
سپرمز کی حرکت تیزاور سیدھی ہونی چائیے تاکہ یہ انڈے تک پہنچ سکیں
سپرمز کی حرکت کو جانچنے کے لیے ورلڈ ہیلتھ آرگنائزیشن WHO نے صفر سے لے کر چار تک درج ذیل کی سکیل طے کر رکھی ہے
0 بالکل کسی قسم کی حرکت نہیں
1 حرکت ہے مگر آگے کی طرف نہیں
1+ کچھ سپرمز کی کبھی کبھار حرکت
2 بالکل سلو حرکت اور وہ بھی بے سمت
2+ سلو حرکت مگر آگے کی طرف
3- تیز مگر بے سمت حرکت
3 تیز اور سیدھی آگے کی طرف حرکت
3+ بہت تیز اور سیدھی آگے کی طرف حرکت
4 انتہائی تیز آگے کی سمت میں حرکت

سپرم کی شکل و صورت Sperm Morphology

سپرم کی ایک دم ہوتی ہے اور ایک سر ۔ دم سپرم کو تیرنے میں مدد دیتا ہے جبکہ بیضوی سر اس کو عورت کے انڈے میں گھسنے میں مدد دیتا ہے سر میں مرکزہ ہوتا ہے اور جینیاتی مواد بھی ہوتا ہے

سپرم سر کی طرف حرکت کرکے انڈے تک پہنچتا ہے اگر اس کی دم صحیح نہیں ہوگی تو وہ تیرتا ہوا بچہ دانی کراس نہیں کر سکے گا اور اگر سر کی شکل صحیح نہیں ہوگی تو وہ انڈے میں گھس نہیں سکے گا

سپرم کا انڈے تک کا سفر
The Sperm Journey To Egg in Urdu
سپرم کا مرد کے عضو سے نکل کر انڈے تک کا سفر آسان نہیں ہوتا
جب سپرم عورت کے اندر داخل ہوتے ہیں تو عورت کا مدافتعی نظام اس کو مارنے کی کوشش کرتا ہے مگر عورت بیضہ کی بارآوری کے دنوں میں بچہ دانی میں ایک خاص مادہ چھوڑتی ہے جو سپرم کو بچہ دانی میں تیرنے میں مدد دیتا ہے اور اسکی حفاظت بھی کرتا ہے، سیکس کی معراج پر عورت آرگیزم پاتی ہے، جس کے نتیجے میں وہ زور سے جھٹکے لیتی ہے، ان جھٹکوں سے عورت کی بچہ دانی پھیلتی اور سکڑتی ہے، جس سے وہ سپرمز کو اوپر کی طرف کھینچتی ہے، مزید وہ آرگیزم کے نتیجے میں بچہ دانی میں مادہ بھی چھوڑتی ہے یہ مادہ بھی سپرمز کے تیرنے میں مدد کرتا ہے.
عورت کا بیضہ بذات خود بھی نیچے کی طرف کھسکتا ہے اور ایک کیمیکل بھی چھوڑتا ہے جو سپرم کو اپنی طرف کھینچتا ہے.
کروڑوں سپرمز میں سے صرف چند سو سپرمز ہی ٹیوبز تک پہنچ پاتے ہیں
تیز تیرنے والے طاقتور سپرم آدھے گھنٹے میں ٹیوب تک پہنچ جاتے ہیں جبکہ سست سپرم ٹیوب تک پہنچنے میں کئی دن لگا دیتے ہیں
سپرم ٹیوب میں پہنچ کر تین سے پانچ دن تک زندہ رہتے ہیں اور اگر اس دوران عورت کی بیضہ دانی سے انڈہ بھی ٹیوبوں میں آجائے تو کوئی ایک سپرم انڈہ سے ملکر حمل ٹھہرنے کا عمل شروع کردیتا ہے
جب ایک سپرم انڈے سے مل جاتا ہے تو انڈے کی خول کی سطح surface بدل جاتی ہے تاکہ مزید کوئی سپرم انڈے میں نہ گھس سکے
سپرم کو انڈے کو حاملہ کرنے میں چوبیس گھنٹے لگتے ہیں
حاملہ ہونے کے بعد انڈہ تین سے چار دن تک ٹیوب میں ہی ٹھہرتا ہے پھر وہ بچہ دانی میں آجاتا ہے

کون سا ہارمون مادہ تولید کی پیداوار کرتا ہے
What Hormone Produces Sperms in Urdu
ٹیسٹوسٹیرون ہارمون مردوں میں جنسی صلاحیت کو کنٹرول کرتا ہے یہ ہارمون مرد کے خصیوں میں بنتا ہے جبکہ اس کا کچھ تھوڑا حصہ ایڈرینل گلینڈذ میں بھی بنتا ہے دماغ کے اندر موجود پیچوٹری گلینڈز اسکی پروڈکشن کو کنٹرول کرتا ہے دماغ پیچوٹری گلینڈز کو بتاتا ہے کہ کتنا ٹیسٹوسٹیرون ہارمون بنانا ہے پھر پیچوٹری گلینڈ خصیوں کو اتنی مقدار میں اسکی پروڈکشن کے لیے ہدایت کرتا ہے

ٹیسٹوسٹیرون ہارمون اور سپرم کی پیداوار کیلیئے مفید غذائیں
Testosterone-Boosting Foods in Urdu
خشک میوہ جات بادام اخروٹ سے اسپرم کی پیداوار بڑھتی ہے اور ساتھ ہی ان کی مادہ تولید میں تیرنے کی صلاحیت بھی بڑھتی ہے
حالیہ تحقیقات میں سائنسدانوں نے لائیکوپین کو سپرم کے لیے بہت موزوں پایا ہے لائیکوپین سپرم کی تعداد اور معیار کو ستر پرسنٹ تک بڑھا سکتا ہے درج ذیل سو گرام خوراکوں میں موجود لائیکوپین کی مقدار
سورج سے خشک شدہ ٹماٹر: 45.9 ملی گرام
ٹماٹر پوری: 21.8 ملی گرام
امرود: 5.2 ملی گرام
تربوز: 4.5 ملی گرام
تازہ ٹماٹر: 3.0 ملی گرام
ڈبے میں بند ٹماٹر: 2.7 ملی گرام
پپیتا: 1.8 ملی گرام
گلابی انگور: 1.1 مگرا
پکی میٹھی سرخ مرچ: 0.5 ملی گرام

ٹماٹر کے لائیکوپین کے مردوں کیلئے فائدے
Benefits of tomato lycopene for men in Urdu
ٹماٹر میں لائیکوپین کثیر مقدار میں ہوتا ہے اور لائیکوپین سے طاقتور اسپرم بنتے ہیں ان کی جسامت حرکت اور سپیڈ میں اضافہ ہوتا ہے کچے ٹماٹروں کی بجائے پکے ہوئے ٹماٹروں میں لائیکوپین زیادہ ہوتا ہے،

کیمبرج یونیورسٹی کی ایک تحقیق میں جن مردوں کو روزانہ چودہ ملی گرام لائیکوپین بارہ ہفتے تک دیا گیا تو ان کے مادہ تولید میں چالیس فیصد تک بہتری آئی. 14 ملی گرام کیپسول میں تقریبا 200 گرام ٹماٹروں کے برابر لائیکوپین ہوتا ہے،
کچے ٹماٹر کی بجائے پکے ٹماٹر میں لائیکوپین زیادہ مقدار میں پایا جاتا ہے، اس کے بجائے بھی ٹماٹر کی پیسٹ یا کیچپ بنا لی جائے وہ اور بہتر ہے، مزید براں لائیکوپین والے کیپسول بھی لیے جاسکتے ہیں.
اویسٹرز، کستورا مچھلی
کستورا مچھلی جنسی اشتہا کے لیے سب سے زیادہ مشہور ہے اس میں بہت زیادہ زنک ہوتا ہے جو مردانہ ٹیسٹورون ہارمونز کو بہت بڑھاتا ہے اور ان کی ترتیب بھی صحیح کرتا ہے کستورا مچھلی ایک خول میں بند ہوتی ہے

مچھلی میں موجود اومیگا تھری سپرمزکی تعداد بڑھانے کیساتھ ساتھ خون کی گردش بڑھا کر مردانہ قوت میں بھی اضافہ کرتا ہے
اخروٹ ہیجان اور شہوت میں اضافہ کرتا ہے اخروٹ میں موجود زنک سپرمز کی پیداوار کے لیے بہت بہترین ہے.
میتھی کے مردوں کیلئے فائدے
Fenugreek increase Sperm and Testosterone in men in Urdu
ایک سٹڈی میں کچھ مردوں کو روزانہ 500 ملی گرام میتھی 12 ہفتوں تک دی گئی تو ان مردوں میں سے 90 پرسنٹ مردوں میں ٹیسٹورون لیول اور سپرم میں چھیالیس فیصد تک کا اضافہ دیکھنے میں آیا